അദ്ദിക്ർ

എല്ലാ ഓരോ വ്യക്തിക്കും ജനതക്കും സമൂഹത്തിനും സമുദായത്തിനുമെല്ലാം ഒരു നിശ്ചിത അവധി ത്രികാലജ്ഞാനിയായ അല്ലാഹു നേരത്തെത്തന്നെ നിശ്ചയിച്ചിട്ടുണ്ട്. ആ അവധി എത്തിക്കഴിഞ്ഞാല്‍ ഒരാളേയും ഇവിടെ അവശേഷിപ്പിക്കുകയോ ആ അവധി എത്തുന്നതിനുമുമ്പ് ഒരാളേയും തിരിച്ചുവിളിക്കുകയോ ഇല്ല. ത്രികാലജ്ഞാനിയായ നാഥന്‍ എല്ലാ ഓരോ ജീവിക്കും ഭക്ഷണം, വെള്ളം, ജീവിതാവധി എന്നിവയെല്ലാം നിജപ്പെടുത്തി അവന്‍റെ ഗ്രന്ഥത്തില്‍ (അദ്ദിക്റില്‍) രേഖപ്പെടുത്തി വെച്ചിട്ടുണ്ട്. 2: 62 ല്‍ വിവരിച്ച പ്രകാരം വിശേഷബുദ്ധി നല്‍കപ്പെട്ട മനുഷ്യന്‍ ഗ്രന്ഥത്തില്‍ നിന്ന് ഇതെല്ലാം മനസ്സിലാ ക്കി നാഥന്‍റെ പ്രതിനിധിയായി നിലകൊള്ളുകയും 1000 സമുദായങ്ങളില്‍ പെട്ട ജീവികളുടെ ക്ഷേമ ഐശ്വര്യങ്ങള്‍ ലക്ഷ്യം വെച്ചുള്ള പ്രവര്‍ത്തനങ്ങളില്‍ മുഴുകുകയും ചെയ്യേണ്ടതാണ്. എന്നാല്‍ ഗ്രന്ഥത്തിന്‍റെ 40 പേരുകളും സത്യപ്പെടുത്തി നാഥനെ കണ്ടുകൊണ്ട് ജീവിക്കുന്ന ഒറ്റപ്പെട്ട വിശ്വാസി മാത്രമേ അത്തരം പ്രവര്‍ത്തനങ്ങളില്‍ മുഴുകുകയുള്ളൂ. കെങ്കേമന്മാരും ഭ്രാന്തന്മാരുമായ കപടവിശ്വാസികള്‍ക്ക് 6: 123 ല്‍ വിവരിച്ച പ്രകാരം നാടുകള്‍ നശിപ്പിക്കുന്നതിന് വേണ്ടിയുള്ള ഗൂഢതന്ത്രങ്ങള്‍ പയറ്റാനുള്ള അവസരം പിശാച് നല്‍കിയിരിക്കുന്നതിനാല്‍ അവരുടെ കരങ്ങളാലാണ് ലോകം നശിച്ചുകൊണ്ടിരിക്കുന്നത്. കാലാവസ്ഥാ വ്യതിയാനം, യുദ്ധം, ജലക്ഷാമം, ജലപ്രളയം, ഭക്ഷണദൗര്‍ലഭ്യം തുടങ്ങിയവ കൊണ്ടുള്ള ദുരിതത്താല്‍ ആയിരം സമുദായങ്ങളില്‍ പെട്ട ജീവികള്‍ പ്രയാസപ്പെടുന്നതും ജീവന്‍ നഷ്ടപ്പെടുന്നതുമൊന്നും ശ്രദ്ധിക്കാതെ അവരുടെ മാത്രം സുഖഭോഗങ്ങളില്‍ മുഴുകി ഐഹികലോകത്തുവെച്ച് സ്വര്‍ഗം ആസ്വദിക്കുന്നവരാണ് ഇവര്‍. 6: 2, 55, 133; 9: 51; 10: 47-49, 61 വിശദീകരണം നോക്കുക.